Azerbaijan English

Ramin Quluzadə AZCLOUD Hackathon 2019-un iştirakçıları ilə görüşüb

 Nəqliyyat, Rabitə və Yüksək Texnologiyalar Nazirliyinin nəzdində fəaliyyət göstərən “AzInTelecom” MMC-nin təşkilatçılığı “Hewlett Packard Enterprise”, “R.I.S.K Company”, “Azercell Telekom”, “TrendMicro”, “Juniper Networks”, “Cisco” və “Bestcomp Group” şirkətlərinin sponsorluğu və tərəfdaşlığı ilə keçirilən “AZCLOUD Hackathon 2019" müsabiqəsi davam edir.

Nəqliyyat, Rabitə və Yüksək Texnologiyalar naziri Ramin Quluzadə Bakı Olimpiya Stadionunda müsabiqənin iştirakçıları ilə görüşüb. Komandaların üzvləri ilə tanış olan nazir gənclərin informasiya texnologiyaları sahəsinə artan marağını xüsusi vurğulayıb.

R.Quluzadə informasiya-kommunikasiya texnologiyaları sahəsində yüksək ixtisaslı gənc kadrlara ehtiyac olduğunu bildirib, Nəqliyyat, Rabitə və Yüksək Texnologiyalar Nazirliyində və tabeliyindəki qurumlarda gənc kadrlara yaradılan şəraitdən danışıb.

Daha sonra nazir komanda iştirakçıları ilə “AZCLOUD Hackathon 2019 yarışması, bu yarışa qatılmaqda məqsədləri və gələcək planları haqqında ətraflı söhbət edib. Gənclərin suallarını cavablandırdıqdan sonra R.Quluzadə iştirakçılar üçün ayrılmış xüsusi “skybox”-ları gəzib və komandalara yaradılmış şəraitlə tanış olub.

Startap Günlərinin yekun təqdimat mərasimi keçiriləcək

Cari ildə bir sıra universitetlərdə və təhsil müəssisələrində keçirilən Startap Günlərinin qalib komandalarının...

04 Nov 2019
Azərbaycanda startaplar üçün StartupFest 2019 keçiriləcək

21-26 noyabr 2019-cu il tarixində Azərbaycanda ilk dəfə Azərbaycan Respublikasının Prezidenti yanında Vətəndaşlara Xidmət...

04 Nov 2019