Azerbaijan English

Dövlət Agentliyinin nümayəndəsi beynəlxalq sammitdə iştirak edib

22 fevral 2022-ci il tarixində startap ekosisteminin mövcud vəziyyəti, qlobal trendlər və ölkələrdə innovasiya mühitinin inkişafına dair məlumatların və biliklərin mübadiləsi məqsədilə dünya ölkələrinin ən qabaqcıl ekspertləri və liderlərinin rüblük toplantısı olan "StartupBlink Ekosistem" Sammiti keçirilib.

Startup.az xəbər verir ki, onlayn formada təşkil olunan sammitdə Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin nümayəndəsi ölkəmizdə innovasiya ekosisteminin qurulması və startaplara dəstək məqsədilə həyata keçirilən yerli və beynəlxalq layihələrə dair məlumat verib.  Həmçinin Dövlət Agentliyinin “INNOLAND” İnkubasiya və Akselerasiya Mərkəzinin yaradılması, dövlət-özəl tərəfdaşlığı prinsipləri əsasında işləmə mexanizmi və  əldə olunan nəticələr  iştirakçıların diqqətinə çatdırılıb. 

Sammitdə Azərbaycanla eyni sessiyada Amerika Birləşmiş Ştatları, Serbiya Respublikası, Almaniya Federativ Respublikası, İsveçrə, Şimali Makedoniya və Flippindən olan nümayəndələr iştirak ediblər.

"StartupBlink" yüzdən çox ölkə üzrə startap ekosistemlərinin qiymətləndirilməsini həyata keçirən və bütün ölkələr üzrə sahəvi dövlət orqanlarını, innovasiya mərkəzlərini və tədqiqatçıları birləşdirən ən böyük platformadır.

Azərbaycanda dronların qeydiyyatı ilə bağlı qaydalar hazırlanıb

"Azərbaycanda aviasiya haqqında" Qanun layihəsinin işlənilməsi tamamlanıb və burada hətta dronların qeydiyyatı ilə bağlı...

14 Jun 2022
ABŞ şirkəti: "Azərbaycanda pullu insan çoxdur"

"Azərbaycanda pullu insan çox olsa da startaplara vəsait yatıran təəssüf ki, azdır"

Startup.az bildirir ki, bunu innovasiya...

14 Jun 2022