Azerbaijan English

Yeni Fikir 2017-nin yarımfinalı keçirilir-Foto

Məlumat verdiyimiz kimi, Yeni Fikir 2017 müsabiqəsində 35 layihə yarımfinala vəsiqə qazanıb.

Belə ki, yarımfinalçıların seçilməsi  mayın 2-14 tarixləri arasında həyata keçirilən onlayn qiymətləndirmənin nəticələrinə əsasən aparılıb.

Xeberler.az-ın məlumatına görə, bu gün AMEA Mərkəzi Kitabxanasında müsabiqənin yarımfinal mərhələsi  keçirilir.

Yarımfinalda hər bir layihənin təqdimatı üçün cəmi 9 dəqiqə vaxt ayrılır.  Layihə müəllifləri 4 dəqiqə ərzində layihəni təqdim edirlər. Qalan 5 dəqiqə ərzində isə münsiflər heyətinin suallarına cavab verirlər.

Qiymətləndirmə zamanı layihəni həyata keçirməkdə iddialı olan komandanın bilik və bacarığı, məhsul və xidmətin səmərəliliyi, bazar potensialı, rəqabət gücü və digər bu kimi meyarlar nəzərə alınacaq.

Müsabiqənin iyunun 9-da keçiriləcək final mərhələsində  isə 5 layihə qalib elan ediləcək.

Bir çox tərəfdaşı olan müsabiqədə birinci yeri qazanan layihənin komandasına baş sponsor olaraq, AMEA YTP tərəfindən  10000 manat pul mükafatı veriləcək.

Müsabiqədə iştirak edən uğurlu layihələrə, həmçinin AMEA Yüksək Texnologiyalar Parkında inkubasiya və digər əməkdaşlıq xidmətləri təklif ediləcək.

Qeyd edək ki, bu il 5-ci dəfə keçirilən Yeni Fikir Müsabiqəsinə indiyədək  iş fikri ilə biznesini qurmaq istəyən 842 startap komandası müraciət edib.

Bakı Mühəndislik Universitetinin həyata keçirdiyi Yeni Fikir Müsabiqəsi-ndə  respublika üzrə bütün gənclər iştirak edə bilərlər.

Startup.az

 

         

 

GİST-də iştirak edən 15 yaşlı həmyerlimizə dəstək lazımdır

Bu il Qlobal Sahibkarlıq Sammiti noyabrın 28-30 tarixlərində Donald Trump-ın qızı İvanka Trump-ın iştirakı ilə Hindistanda...

16 Nov 2017
Məşhur müğənni öz İT şirkətini qurub

Son vaxtlar dünyada bütün sahələrin startap dünyasına marağı müşahidə edilir.

Belə ki, bir çox tanınmışlar, müxtəlif...

15 Nov 2017